Velkomin á síðu Foreldrafélagsins

Bjartsýnisverðlaun Stulla eru verðlaun sem veitt eru í minningu um Sturlaug Ásgeirsson, nemanda í Nesskóla sem lést 25. apríl 2001 aðeins 17 ára gamall. Stulli var haldinn hrörnunarsjúkdómi og þrátt fyrir sín erfiðu veikindi var Stulli alltaf brosandi og þótti bjartsýni hans, jákvæðni og gott hugarfar vera til eftirbreytni fyrir aðra nemendur og starfsmenn skólans. Það voru hjónin Eva Sýbilla Guðmundsdóttir og Grímur Magnússon sem áttu frumkvæðið að þessum verðlaunum sem veitt eru nemenda Nesskóla á hverju ári. Með Stullaverðlaununum viljum við halda minningu Sturlaugs Ásgeirssonar á lofti og tileinka okkur það hugarfar og þann kjark sem hann hafði yfir að búa. Stafsmenn Nesskóla tilnefna nemanda til verðlaunanna sem hefur þá kosti til að bera að vera bjartsýnn, einstaklega geðgóður, glaðvær og reynist skólasystkinum sínum hjálpsamur og góður félagi. Nú hafa 8 nemendur við Nesskóla hlotið Stullaverðlaunin. 8. maí s.l. hlaut Rannveig Júlía Sigurpálsdóttir, nemandi í 10. Bekk, Stullaverðlaunin. Hér er listi yfir þá nemendur sem hlotið hafa Bjartsýnisverðlaun Stulla.