Velkomin á heimasíðu Nesskóla

1.GR fékk skemmtilega heimsókn í dag. Níels lögreglumaður kom í heimsókn til að afhenda einum heppnum nemanda verðlaun fyrir umferðargetraun sem þau tóku þátt í.
Hafsteinn Jökull Þorgeirsson var sá heppni og fékk hann bókina um Jón Odd og Jón Bjarna í verðlaun.
1. - 4. bekkur tóku þátt og voru dregnir út vinningshafar í hverjum bekk sem fengu bækur afhentar af lögreglunni. Þessi bók var sú síðasta sem afhent var, en Foreldrafélag skólans hefur gefið bækurnar undanfarin ár. Níels fór einnig yfir umferðarreglur og fleira sem nemendur höfðu bæði gagn og gaman af.  Áhugaverðast fannst nemendum þó að skoða allt flotta „dótið“ sem hann var með á vestinu sínu. Fleiri myndir frá heimsókninni má sjá hér. Takk fyrir okkur Níels.

Eitt af því sem gerðist í fárviðrinu sem gekk yfir á aðfangadagskvöld var að fatagámur Rauða krossins fauk í sjóinn og fötin sem voru komin í gáminn flutu upp í fjöru. Í gær ákvað 7. bekkur að nýta góða veðrið, ganga um fjörurnar, týna upp föt og læra í leiðinni hvað fötin heita á dönsku. Alls týndu krakkarnir upp föt í fjóra svarta poka og nú er fjaran fatalaus. Flott framtak hjá þeim!

Nemendur og starfsfólk skólans héldu sitt árlega jólaball í morgun. Jólasveinar mættu á svæðið og vöktu mikla lukku. Teknar voru myndir á ballinu og á bekkjarjólum nemenda, þessar myndir má sjá hér. Við í skólanum óskum öllum gleðilegra jóla og farsæls komandi árs og þökkum fyrir samstarfið á árinu. Hlökkum til að sjá alla á nýju ári, en skóli hefst aftur skv. stundaskrá 4. janúar.