Stefna Nesskóla
,, Í grunnskólanum skal unnið að því í samvinnu við heimilin að búa nemendur undir líf og starf. Hlutur grunnskólans felst einkum í því að sjá nemendum fyrir formlegri fræðslu og taka þátt í félagslegri mótun þeirra. Þetta sameiginlega verkefni heimila og skóla kallar á náin tengsl, gagnkvæmt traust, gagnkvæma upplýsingamiðlun, samábyrgð og samvinnu.”(Aðalnámskrá grunnskóla, almennur hluti bls. 14)
- Starfið í Nesskóla á að snúast um að auka víðsýni nemenda þannig að þeir verði sem best búnir undir að taka þátt í síbreytilegu nútímasamfélagi.
- Skólinn á að kenna nemendum um veröldina sem við búum í þannig að þeir verði hæfari til að taka þátt í starfi samfélagsins og bæta það.
- Skólinn okkar á að vera menntastofnun þar sem allir fá tækifæri til að afla sér þekkingar og öðlast leikni.
- Skólinn á að vera uppeldisstofnun þar sem allir geta þroskast og aukið sjálfstraust og baráttuþrek sitt.
- Í Nesskóla er stefnt að því að allir nemendur geti átt sér griðarstað þar sem þeir geta unnið verk sín ánægðir og sáttir.
Helstu markmið skólastarfsins eru:
- að nemendum líði vel í skólanum
- að efla jákvætt hugarfar og virðingu nemenda gagnvart námi og skólagöngu
- að auka markvisst ábyrgð nemenda á námi sínu
- að stuðla að jafnrétti þannig að allir séu virt til jafns í leik og starfi
- að taka tillit til ólíkra þarfa nemenda
- að kenna nemendum almenna kurteisi og umburðarlyndi fyrir skoðunum annarra
- að hvetja til jákvæðra samskipta heimila og skóla þar sem foreldrar taka virkan þátt í námi og starfi barna sinna
- að stuðla að jákvæðum samskiptum við fyrirtæki og stofnanir í bæjarfélaginu
- að stuðla að hollum lífsvenjum og heilbrigði nemenda
- að auka skilning og ábyrgð nemenda á náttúrunni og umhverfi sínu
- að efla frumkvæði og sköpunargleði nemenda
- að gera námsumhverfi aðlaðandi
- að leggja áherslu á mikilvægi umsjónarkennarans
Til að ná þessum markmiðum mun skólinn
- hvetja kennara til að beita fjölbreyttum kennsluaðferðum
- hafa góð og fjölbreytt námsgögn í boði fyrir nemendur og kennara
- fræða nemendur um almenna kurteisi og umgengnisvenjur
- upplýsa foreldra um skólastarfið með viðtölum, á heimasíðunni nesskoli.is, fréttabréfum og á foreldrafundum
- hafa sameiginlega kennarafundi einu sinni í mánuði
- stuðla að samvinnu kennara
- stuðla að hlýlegu og hvetjandi umhverfi í skólanum
- hafa skólalóðina vel skipulagða og vel útbúna leiktækjum
- meta vinnu nemenda reglulega með ýmsum hætti
- leggja áherslu á vettvangsferðir og umhverfisfræðslu
- hvetja nemendur til að taka þátt í frjálsu félagsstarfi í bæjarfélaginu
- fræða nemendur um skaðsemi vímuefna
- kenna nemendum að bera virðingu fyrir skólanum, eigum hans og starfsfólki
- viðhafa skipulegt eftirlit og aðhald með skólastarfinu
- endurmeta og styrkja starf umsjónarkennarans og gera honum kleift að halda uppi góðu sambandi við foreldra og nemendur
- gefa kennurum kost á fjölbreyttri endurmenntun
- hafa ávallt í skólanum fullkominn tölvubúnað til afnota fyrir nemendur og kennara
- hrósa nemendum sem vinna vel og hvetja þá til enn betri verka
- fylgja virkri áætlun gegn einelti
- efla samvinnu nemenda
