Stebba Huld lætur af störfum eftir 35 ára starf

Stebba Huld lætur af störfum eftir 35 ára starf

Eftir tæplega fjóra áratugi af ómetanlegri þjónustu hætti Stefanía Huld Guðmundsdóttir, eða Stebba Huld eins og við þekkjum hana, störfum hjá skólanum mánaðarmótin nóvember-desember 2025. Þessi hlýja og kraftmikla kona hefur verið órjúfanlegur hluti af skólasamfélaginu og verður heilmikill söknuður af bæði starfsfólki og nemendum.


Stebba Huld var skólaliði sem hefur skilið eftir sig varanleg spor óteljandi barna og fjölskyldna um allan bæ raun er varla hægt að finna barn í bænum sem ekki þekkir hana úr skólanum. Þetta segir sitt um þann áhrifamátt sem hún hefur haft í gegnum árin.


Persónuleiki Stebbu Huldar er þekkt fyrir að vera stríðin þegar aðstæður kalla á það og lætur heyra í sér ef þörf krefur. En jafnvel þó hún geti verið ákveðin í framkomu, er stutt í brosið og hlátur. Þessi einstaka blanda af festu og fegurð hefur gert hana að ómissandi hluta af skólanum.

Listrænir hæfileikar hennar og auga fyrir fegurð hafa sett svip sinn á margt í skólanum í gegnum árin. Stebba Huld er sannkallaður fagurkeri sem kann að meta smáatriðin og gera umhverfi sitt fallegt og hlýlegt.


Starfsfólk skólans stendur nú frammi fyrir tóminu sem Stebba Huld skilur eftir sig. Fáir hafa staðið vaktina jafn lengi og hún, og í gegnum árin hefur hún séð starfsmenn koma og fara. Það sem allir þessir starfsmenn eiga sameiginlegt er að þekkja Stebbu Huld og hafa notið þess að vinna með henni.

Allt starfsfólk skólans þakkar Stebbu Huld kærlega fyrir yndislegu árin sem hún hefur átt með okkur. Framlag hennar til skólasamfélagsins er órjúfanlegur þáttur í sögu stofnunarinnar og hún mun lifa áfram í hjörtum okkar allra. Við óskum henni alls hins besta í næsta kafla í lífinu og þökkum henni fyrir þá hollustu og gleði sem hún hefur gefið okkur í tæplega fjóra áratugi.

← Eldri fréttir

Nýjar fréttir →

Glæsileg útskrift og kveðjustund hjá 10. bekk

Eftir Þórfríður Soffía Þórarinsdóttir • 16. júní 2026
Útskrift 10. bekkjar fór fram með stórkostlegri og hátíðlegri athöfn föstudaginn 5. júní síðastliðinn. Við kvöddum þennan flotta árgang 2010 með miklum söknuði í hjarta, enda voru þau búin að vera með okkur í tíu góð og afar viðburðarík ár. Árgangurinn var ávallt einstaklega öflugur í öllu félagslífi skólans, skemmtilega uppátækjasamur og alltaf duglegur að taka þátt í hverjum þeim fjölbreyttu viðburðum sem skólinn bauð upp á í gegnum tíðina. Það var dásamlegt að fylgjast með þeim þroskast og dafna á þessari löngu vegferð. Við óskuðum þeim innilega velfarnaðar og gæfu á öllum þeim nýju og spennandi sviðum sem þau taka sér fyrir hendur í lífinu. Um leið þökkuðum við þessum frábæru ungmennum kærlega fyrir yndisleg og ógleymanleg síðastliðin tíu ár saman í skólanum okkar. Þau skildu eftir sig dýrmætar minningar og við vitum að framtíðin færir þeim frábær tækifæri. Gangi ykkur sem allra best!  p.s. smá útskriftar tiktok sem þau gerðu

Hlý kveðja til okkar frábæra samstarfsfólks

Eftir Þórfríður Soffía Þórarinsdóttir • 16. júní 2026
Í lok þessa viðburðaríka skólaárs kvöddum við dásamlegt starfsfólk sem ákvað að breyta til og verða ekki með okkur á næstu misserum – að sinni að minnsta kosti, eins og við viljum gjarnan segja. Til að fagna þeim dýrmætu stundum sem við áttum saman og sýna þakklæti okkar í verki, söfnuðumst við saman í glæsilega og stóra kökuveislu. Boðið var öllu því flotta fólki sem kvaddi okkur á liðnu skólaári. Því miður komust ekki allir í veisluna en við hugsuðum til þeirra allra með mikilli hlýju, söknuði og vinsemd. Við færum okkar bestu þakkir og óskum þeim Katrínu Gróu, Óskari Ágústi, Stellu Rut, Guðrúni Ásgeirs, Viktoríu Gils, Sunnu Björgu, Heiðu Elísabet, Lindu Maríu, Þórði, Jóhönnu, Anítu og Stebbu Freysteins innilega velfarnaðar í öllum þeim spennandi verkefnum sem þau taka sér fyrir hendur. Fyrr í vetur kvöddum við einnig Dæju og Stebbu Huld. Allur þessi frábæri hópur er ávallt hjartanlega velkominn til okkar í spjall og kaffisopa – eða jafnvel aftur í vinnu!

Viðburðarík og glæsileg vorönn að baki í Nesskóla

Eftir Þórfríður Soffía Þórarinsdóttir • 30. maí 2026
Vorönnin í Nesskóla var einstaklega litrík, lærdómsrík og iðandi af lífi. Þegar horft er til baka yfir liðna mánuði má með sanni segja að starfið hafi verið gríðarlega viðburðaríkt og að nóg hafi verið um að vera á hverjum einasta degi hjá nemendum og starfsfólki. Skólastarfið einkenndist af sköpunargleði, samstarfi, útivist og miklum samfélagsanda þar sem allir lögðu sitt af mörkum til að gera þessa önn ógleymanlega.