Nóvember og aðventan í fullum gangi

Í nóvember fengum við góða heimsókn frá Landanum, sem ræddi um veðurstöðina okkar. Þátturinn var sýndur fyrir stuttu og vekur hann mikla athygli. Við erum mjög stolt af jákvæðri umfjöllun um skólann okkar, sem undirstrikar fjölbreytt og áhugavert starf sem fer fram hér daglega. Þáttinn má nálgast hér 

Slökkvilið Fjarðabyggðar leit einnig við í 3. GS og fræddi nemendur um brunavarnir. Þessar heimsóknir eru ávallt mikilvægur og skemmtilegur hluti af starfinu okkar, enda frábært að fá þessa heimsókn ár hvert.

Aðventustemningin er komin á fullt, og skólinn er allur að skarta sínu fínasta í jólabúningi. Jólaskreytingar prýða nú þegar víða í skólanum og setja svip sinn á daglegt líf. Í desember mun Tónskólinn sjá um lifandi tónlist í andyri skólans, eins og í fyrra. Fyrsti tónlistarflutningurinn var mánudaginn, 2.desember, þegar Eva í 3. GS, ásamt kennara sínum Noémi, spilaði á píanó. Fallegir tónar fylltu andyrið og glöddu bæði nemendur og starfsfólk á leið í skólann.

Við minnum á rauðan dag á morgun, miðvikudag, og hlökkum til að njóta aðventunnar með ykkur öllum.

Eftir Þórfríður Soffía Þórarinsdóttir • 13. nóvember 2026
Haustfréttir
Eftir Þórfríður Soffía Þórarinsdóttir • 6. október 2026
Skemmtilegar og viðburðaríkar vikur að baki
Eftir Þórfríður Soffía Þórarinsdóttir • 15. september 2026
Í gær, mánudaginn 14. september, tóku öll skólastig í Neskaupstað sig saman og tóku þátt í Styrkleikunum. Styrkleikarnir er viðburður á vegum Krabbameinsfélagsins þar sem sýnt er þeim sem greinst hafa með krabbamein og aðstandendum þeirra stuðning í verki. Mættu nemendur frá Leikskólanum Eyrarvöllum, Nesskóla og Verkmenntaskóla Austurlands á SÚN völlin. Skiptu sér upp í lið og hlupu þvert á völlinn með kefli fram og til baka í boðhlaupi. Var hlaupið í dágóða stund áður en við tókum höndum saman og mynduðum hjarta á miðjum vellinum. Það var hann Hlynur Sveinsson sem tók myndina af hjartanu og klippti saman myndband af viðburðinum. Þökkum við honum kærlega fyrir sitt framlag í þetta sameiginlega verkefni ásamt öllum þeim sem komu að verkefninu að einhverju leiti. Hægt er að nálgast upplýsingar um Styrkleikana á heimasíðu krabbameinsfélagsins hér. Þeir sem vilja styrkja Styrkleikana er bent á Krabbameinsfélag Austfjarða. Styrktarreikningur: Kt. 551001-3340 Rkn. 0166-26-201