Haustið á fullri ferð í skólanum

This is a subtitle for your new post

Haustið er komið á fullt í skólanum og nemendur hafa notið fjölbreyttra viðburða sem hafa skapað gott andrúmi og ógleymanlegar stundir. Meðal helstu uppákoma haustdaganna má nefna Fjölgreindaleikana, haustgöngur um náttúru Austurlands og Erasmusferðir sem verða kynntar sérstaklega síðar.

Fjölgreindaleikarnir gengu framar björtustu vonum. Á leikunum blandast nemendur úr 1. til 10. bekkjar saman í fjölbreytta hópa þar sem allir fá tækifæri til að kynnast hvor öðrum þvert á aldurshópa. Nemendur á unglingastigi taka að sér hlutverk hópstjóra og bera ábyrgð á því að allir séu á réttum stað og að enginn verði útundan í hópnum. Þetta fyrirkomulag styrkir félagslega færni nemenda og kennir þeim ábyrgð og samvinnu. Starfsfólk skólans stendur að fjölbreyttum stöðvum út um allan skólann, á útisvæðum og í íþróttahúsinu, og nemendur fá tækifæri til að prófa krafta sína í ólíkum verkefnum sem höfða til margvíslegra hæfileika.

Haustgöngurnar voru ekki síður ánægjulegar og veittu nemendum tækifæri til að njóta þess glæsilega sem náttúran hefur uppá að bjóða. Unglingastig lagði af stað í Stórurð í miklu ævintýri þar sem veðrið reyndi á þrautseigju og samheldni hópsins. Þrátt fyrir krefjandi veðurskilyrði náðu allir nemendur að komast inn í urðirnar og slógu sennilega hraðamet í göngum á þessum vinsæla stað. Miðstig gekk upp á Lolla og dagurinn endaði í hlýlegum varðeld sem Jón Aðalsteinn undirbjó fyrir hópinn. Yngsta stig fór að Höllustein og endaði sína göngu í Seldal þar sem börnin fá tækifæri til að njóta náttúrunnar og styrkja félagslega samheldni.

Erasmusferðirnar verða kynntar í sérfrétt þar sem nemendur og starfsfólk fá tækifæri til að deila reynslu sinni af alþjóðlegum samskiptum og menningarskiptum. Þessar ferðir veita nemendum ómetanlega reynslu og víkka sjóndeildarhringinn.

Skólastarfið er á fullu í skólanum og allt virðist vera komið á gott ról eftir hressilegan byrjun á skólaárinu. Haustið hefur sannarlega boðið upp á magnað upphaf skólaársins og við hlökkum til fleiri spennandi verkefna og viðburða í framhaldinu.

← Eldri fréttir

Nýjar fréttir →

Glæsileg útskrift og kveðjustund hjá 10. bekk

Eftir Þórfríður Soffía Þórarinsdóttir • 16. júní 2026
Útskrift 10. bekkjar fór fram með stórkostlegri og hátíðlegri athöfn föstudaginn 5. júní síðastliðinn. Við kvöddum þennan flotta árgang 2010 með miklum söknuði í hjarta, enda voru þau búin að vera með okkur í tíu góð og afar viðburðarík ár. Árgangurinn var ávallt einstaklega öflugur í öllu félagslífi skólans, skemmtilega uppátækjasamur og alltaf duglegur að taka þátt í hverjum þeim fjölbreyttu viðburðum sem skólinn bauð upp á í gegnum tíðina. Það var dásamlegt að fylgjast með þeim þroskast og dafna á þessari löngu vegferð. Við óskuðum þeim innilega velfarnaðar og gæfu á öllum þeim nýju og spennandi sviðum sem þau taka sér fyrir hendur í lífinu. Um leið þökkuðum við þessum frábæru ungmennum kærlega fyrir yndisleg og ógleymanleg síðastliðin tíu ár saman í skólanum okkar. Þau skildu eftir sig dýrmætar minningar og við vitum að framtíðin færir þeim frábær tækifæri. Gangi ykkur sem allra best!  p.s. smá útskriftar tiktok sem þau gerðu

Hlý kveðja til okkar frábæra samstarfsfólks

Eftir Þórfríður Soffía Þórarinsdóttir • 16. júní 2026
Í lok þessa viðburðaríka skólaárs kvöddum við dásamlegt starfsfólk sem ákvað að breyta til og verða ekki með okkur á næstu misserum – að sinni að minnsta kosti, eins og við viljum gjarnan segja. Til að fagna þeim dýrmætu stundum sem við áttum saman og sýna þakklæti okkar í verki, söfnuðumst við saman í glæsilega og stóra kökuveislu. Boðið var öllu því flotta fólki sem kvaddi okkur á liðnu skólaári. Því miður komust ekki allir í veisluna en við hugsuðum til þeirra allra með mikilli hlýju, söknuði og vinsemd. Við færum okkar bestu þakkir og óskum þeim Katrínu Gróu, Óskari Ágústi, Stellu Rut, Guðrúni Ásgeirs, Viktoríu Gils, Sunnu Björgu, Heiðu Elísabet, Lindu Maríu, Þórði, Jóhönnu, Anítu og Stebbu Freysteins innilega velfarnaðar í öllum þeim spennandi verkefnum sem þau taka sér fyrir hendur. Fyrr í vetur kvöddum við einnig Dæju og Stebbu Huld. Allur þessi frábæri hópur er ávallt hjartanlega velkominn til okkar í spjall og kaffisopa – eða jafnvel aftur í vinnu!

Viðburðarík og glæsileg vorönn að baki í Nesskóla

Eftir Þórfríður Soffía Þórarinsdóttir • 30. maí 2026
Vorönnin í Nesskóla var einstaklega litrík, lærdómsrík og iðandi af lífi. Þegar horft er til baka yfir liðna mánuði má með sanni segja að starfið hafi verið gríðarlega viðburðaríkt og að nóg hafi verið um að vera á hverjum einasta degi hjá nemendum og starfsfólki. Skólastarfið einkenndist af sköpunargleði, samstarfi, útivist og miklum samfélagsanda þar sem allir lögðu sitt af mörkum til að gera þessa önn ógleymanlega.