Haustfréttir

Haustfréttir

Síðustu vikur hafa verið mjög viðburðaríkar. Skólaþing fyrir 5. – 10. bekk og aðstandendur þeirra var haldið 22. október sem gekk mjög vel. Þema þingsins voru forvarnir og eru starfsmenn skólans að vinna úr þeim niðurstöðum. Strumpaþing fyrir 1. – 4. bekk verður svo haldið næstkomandi mánudag, 9. nóvember, með aðstoð 10. bekkinga.

23. október þá var yngsta stigi boðið að sjá og kynnast Þjóðaróperunni. Fóru nemendur með rútu á Eskifjörð og hlustuðu og fræddust um óperuna. Alltaf gaman þegar við höfum tækifæri á að sjá og kynnast öllum menningarviðburðum.



Fjölgreindarleikarnir voru haldnir 27. október. Kennararnir voru búnir að útbúa 12 metnaðarfullar og skemmtilegar stöðvar. Nemendum er skipt upp í hópa þvert á bekki og vinna saman verkefni í 15 mínútur þar til þau fara á næstu stöð. Nemendur í 9. og 10. bekk voru leiðtogar í sínum hópi og það var gaman að sjá að sumir nemendur tóku hlutverk sitt alvarlega og leiddu hópinn sinn með prýði. Eftir fjölgreindarleikana fóru allir í gott vetrarfrí.

Núna eru allir bekkir á yngsta stigi búin að halda smá sýningu á sal og hefur verið virkilega gaman að fylgjast með krökkunum koma fram og láta ljós sitt skína.

Nemendur í 1. HIG fengu endurskinsvesti að gjöf frá Síldarvinnslunni sem er kærkomið núna þegar skammdegið er að skella á. Erum við afar þakklát fyrir endurskinnsvestin sem Síldarvinnslan hefur gefið síðustu ár. 

Mánudaginn 9. nóvember var Strumpaþig á yngsta stigi. Þar voru nemendum á yngsta stigi skipt upp í hópa og þurftu að svara spurningum líkt og á Skólaþinginu. 10. ABF skipti sér einnig á borðin og hjálpuðu við umræður og skrifa niðurstöður. 

Í næstu viku verður svo þemavika. Á mánudaginn verður starfsdagur og þá mæta nemendur ekki í skólann heldur verður starfsfólk að undirbúa sínar stöðvar og gera klárt fyrir þemavikuna. 

← Eldri fréttir

Skemmtilegar og viðburðaríkar vikur að baki

Eftir Þórfríður Soffía Þórarinsdóttir • 6. október 2026
Skemmtilegar og viðburðaríkar vikur að baki

Styrkleikarnir 2026

Eftir Þórfríður Soffía Þórarinsdóttir • 15. september 2026
Í gær, mánudaginn 14. september, tóku öll skólastig í Neskaupstað sig saman og tóku þátt í Styrkleikunum. Styrkleikarnir er viðburður á vegum Krabbameinsfélagsins þar sem sýnt er þeim sem greinst hafa með krabbamein og aðstandendum þeirra stuðning í verki. Mættu nemendur frá Leikskólanum Eyrarvöllum, Nesskóla og Verkmenntaskóla Austurlands á SÚN völlin. Skiptu sér upp í lið og hlupu þvert á völlinn með kefli fram og til baka í boðhlaupi. Var hlaupið í dágóða stund áður en við tókum höndum saman og mynduðum hjarta á miðjum vellinum. Það var hann Hlynur Sveinsson sem tók myndina af hjartanu og klippti saman myndband af viðburðinum. Þökkum við honum kærlega fyrir sitt framlag í þetta sameiginlega verkefni ásamt öllum þeim sem komu að verkefninu að einhverju leiti. Hægt er að nálgast upplýsingar um Styrkleikana á heimasíðu krabbameinsfélagsins hér. Þeir sem vilja styrkja Styrkleikana er bent á Krabbameinsfélag Austfjarða. Styrktarreikningur: Kt. 551001-3340 Rkn. 0166-26-201

Full vika af frábærri skemmtun

Eftir Þórfríður Soffía Þórarinsdóttir • 11. september 2026
Þessi skólavika er búin að vera stútfull af viðburðum. Í vikunni tókum við upp læsir appið til að halda utan um lestur nemenda. Það ættu allir bekkir að vera komnir með bekkjarkóða til að skrá sig inn. Ef ekki þá mælum við með því að fá bekkjarkóða hjá umsjónarkennara barnanna ykkar. Við fórum í göngu á miðvikudaginn. Yngsta stig gekk uppfyrir keilur og inn að minnisvarða, gengu svo neðan við garða til baka. Miðstig gekk upp að Hólatjörnum þar sem nokkrir krakkar skelltu sér í vötnin og áttu góðan tíma saman. Unglingastig gekk svo upp í Bagalsbotna. Veðrið lék við okkur og allir áttu frábæran dag. Krakkarnir voru allir ekkert smá duglegir.