Líf og fjör í skólanum okkar!

Það er með mikilli ánægju sem við getum greint frá því að síðustu mánuðir hafa verið einstaklega viðburðaríkir í skólanum okkar. Við höfum upplifað svo margt skemmtilegt og lærdómsríkt saman!

Sérstaklega ánægjulegt var að fylgjast með öllum bekkjum á yngsta stigi halda glæsilegar sýningar á sal. Nemendur sýndu ótrúlega hæfileika þegar þeir fluttu stutt verk á sviði fyrir samnemendur sína og fjölskyldur. Það var dásamlegt að sjá hvað börnin okkar lögðu mikinn metnað í sýningarnar og hversu vel tókst til.

Þorrablótið sem yngsta stigið hélt var sannkallað veisluhald! Það var frábært að sjá hvernig öll stig skólans nutu góðs af því, þar sem allir nemendur fengu að njóta þorramatar í hádeginu. Svona viðburðir styrkja sannarlega skólaandann og tengja okkur við íslenska menningu og hefðir.

Við erum afar stolt af Andra í 3. GS sem vann til verðlauna í eldvarnargetrauninni. Hann hlaut glæsilegt gjafabréf í Spilavinum fyrir framlag sitt. Það er mikilvægt að nemendur okkar læri um eldvarnir og það er frábært að sjá þau taka virkan þátt í svona fræðandi verkefnum.

Ein af hápunktum vetrarins var án efa glæsileg sýning 9. SHÁ á Línu Langsokk í lok febrúar. Það var einstaklega ánægjulegt að sjá hversu margir bæjarbúar mættu og skemmtu sér konunglega. Nemendur stóðu sig frábærlega og sýndu að listrænn metnaður er svo sannarlega til staðar í skólanum okkar.

Öskudagurinn var að venju einstaklega skemmtilegur viðburður. Það var dásamlegt að sjá bekki ganga saman á milli fyrirtækja, syngja af heilum hug og fá góðar viðtökur. Þessi hefð er svo dýrmæt og skapar alltaf gleði og samheldni meðal nemenda.

Hérna er svo myndband sem tekið var á sal í morgun þegar allir nemendur skólans ásamt starfsfólki söng skólasönginn. Með því viljum við þakka þeim fyrirtækjum sem frá hafa horfið en hafa tekið á móti okkur síðustu ár. Takk fyrir okkur <3 

Nú er komið að kærkomnu vetrarfríi sem stendur yfir fimmtudag og föstudag. Við hlökkum til að hitta öll nemendur aftur mánudaginn 10. mars, endurnærð og tilbúin í næstu áskoranir og ævintýri sem bíða okkar.

Við erum þakklát fyrir alla þessa fjölbreyttu viðburði sem auðga skólalífið og gera hvern dag að ævintýri. Það er ómetanlegt að sjá nemendur okkar blómstra í gegnum fjölbreytt verkefni og uppákomur sem þessar.

 

← Eldri fréttir

Nýjar fréttir →

Glæsileg útskrift og kveðjustund hjá 10. bekk

Eftir Þórfríður Soffía Þórarinsdóttir • 16. júní 2026
Útskrift 10. bekkjar fór fram með stórkostlegri og hátíðlegri athöfn föstudaginn 5. júní síðastliðinn. Við kvöddum þennan flotta árgang 2010 með miklum söknuði í hjarta, enda voru þau búin að vera með okkur í tíu góð og afar viðburðarík ár. Árgangurinn var ávallt einstaklega öflugur í öllu félagslífi skólans, skemmtilega uppátækjasamur og alltaf duglegur að taka þátt í hverjum þeim fjölbreyttu viðburðum sem skólinn bauð upp á í gegnum tíðina. Það var dásamlegt að fylgjast með þeim þroskast og dafna á þessari löngu vegferð. Við óskuðum þeim innilega velfarnaðar og gæfu á öllum þeim nýju og spennandi sviðum sem þau taka sér fyrir hendur í lífinu. Um leið þökkuðum við þessum frábæru ungmennum kærlega fyrir yndisleg og ógleymanleg síðastliðin tíu ár saman í skólanum okkar. Þau skildu eftir sig dýrmætar minningar og við vitum að framtíðin færir þeim frábær tækifæri. Gangi ykkur sem allra best!  p.s. smá útskriftar tiktok sem þau gerðu

Hlý kveðja til okkar frábæra samstarfsfólks

Eftir Þórfríður Soffía Þórarinsdóttir • 16. júní 2026
Í lok þessa viðburðaríka skólaárs kvöddum við dásamlegt starfsfólk sem ákvað að breyta til og verða ekki með okkur á næstu misserum – að sinni að minnsta kosti, eins og við viljum gjarnan segja. Til að fagna þeim dýrmætu stundum sem við áttum saman og sýna þakklæti okkar í verki, söfnuðumst við saman í glæsilega og stóra kökuveislu. Boðið var öllu því flotta fólki sem kvaddi okkur á liðnu skólaári. Því miður komust ekki allir í veisluna en við hugsuðum til þeirra allra með mikilli hlýju, söknuði og vinsemd. Við færum okkar bestu þakkir og óskum þeim Katrínu Gróu, Óskari Ágústi, Stellu Rut, Guðrúni Ásgeirs, Viktoríu Gils, Sunnu Björgu, Heiðu Elísabet, Lindu Maríu, Þórði, Jóhönnu, Anítu og Stebbu Freysteins innilega velfarnaðar í öllum þeim spennandi verkefnum sem þau taka sér fyrir hendur. Fyrr í vetur kvöddum við einnig Dæju og Stebbu Huld. Allur þessi frábæri hópur er ávallt hjartanlega velkominn til okkar í spjall og kaffisopa – eða jafnvel aftur í vinnu!

Viðburðarík og glæsileg vorönn að baki í Nesskóla

Eftir Þórfríður Soffía Þórarinsdóttir • 30. maí 2026
Vorönnin í Nesskóla var einstaklega litrík, lærdómsrík og iðandi af lífi. Þegar horft er til baka yfir liðna mánuði má með sanni segja að starfið hafi verið gríðarlega viðburðaríkt og að nóg hafi verið um að vera á hverjum einasta degi hjá nemendum og starfsfólki. Skólastarfið einkenndist af sköpunargleði, samstarfi, útivist og miklum samfélagsanda þar sem allir lögðu sitt af mörkum til að gera þessa önn ógleymanlega.