Janúar og Þorrinn byrjaður

Þá er Janúar búinn og svo sannarlega mikið búið að gerast í skólanum. 78 samtökin komu og voru með fræðslu fyrir 3.ÞEH, 6.HB og 9.SJG. Er það partur af samvinnu Fjarðabyggðar og 78 samtakana Fræðsla var einnig fyrir foreldra og þökkum við þeim foreldrum sem komu á þá fræðslu kærlega fyrir komuna. Virkilega þörf og flott fræðsla sem við fengum í byrjum árs.

Bæjarstjórinn okkar hún Jóna Árný Þórðardóttir kom til að ræða við unglingana okkar. Voru þau öll vel undirbúin og voru með vandaðar og flottar spurningar til Fjarðabyggðar sem brennur á vörum unga fólksins okkar.

Skólastarfið hélt líka áfram eftir áramót og má þar nefna 1.KSS sem hefur ferðast með hryssunni Blesu hringin í kringum landið í Byrjendalæsi. Þau komu við á ýmsum stöðum og fræddust um þá. Soppuðu meðal annars í Reykjavík og skoðuðu helstu kennileitin þar. Þetta er þeirra Reykjavík.

 1.KSS umhverfis Ísland

Nemendur í 9. SJG fengu það fallega verkefni að skrifa jákvæða staðreynd um bekkjarfélaga sína. Hver nemandi skrifaði falleg orð um alla 25 bekkjarfélaga sína. Kennarinn safnaði svo öllu saman og útbjó skjöl sem hver og einn fékk með sínu nafni og umsögnum. Þegar skjölunum var útdeilt mátti sjá bros á hverju andliti og nemendum þótti gaman að sýna sitt og sjá hjá öðrum.Verkefnið er liður í því að styrkja jákvæðan bekkjaranda og voru nemendur sammála um að vel hefði tekist til. Köllum við verkefnið Verkefni sem gleður.

9.SJG falleg ord 

Þorrablót yngsta stigs var haldið föstudaginn 2.febrúar. Þorrablót er hefð sem hefur haldið sér í tugi ára í Nesskóla. Þá gera nemendur og starfsfólk sér víkingakórónur, hittast á sal og syngja nokkur þorralög með undirspili frá tónmenntakennara, Noémi Alföldi. Oft erum við nokkuð þjóðleg á þessum degi og mætum í prjónaflíkum eða öðru sem okkur finnst vera þjóðlegt. Margir kennarar nýta tækifærið og kenna nemendum um þorrann og öll þau orð og sögu sem fylgja þeim mánuði. Í ár breyttum við aðeins til og buðum 10.VG að taka þátt með yngsta stigi og kennaranum þeirra í þeim tíma sem Þorrablótið var henni Sigrúnu Júlíu að stjórna fjöldasöngnum. Heppnaðist dagurinn virkilega vel og hlökkum við til næsta þorrablóts eftir ár.

Í þessari viku er áætlað að fara í fjallaferð upp á Oddsskarð. Mælum við með því að fylgjast vel með pósti þessa vikuna.

← Eldri fréttir

Nýjar fréttir →

Styrkleikarnir 2026

Eftir Þórfríður Soffía Þórarinsdóttir • 15. september 2026
Í gær, mánudaginn 14. september, tóku öll skólastig í Neskaupstað sig saman og tóku þátt í Styrkleikunum. Styrkleikarnir er viðburður á vegum Krabbameinsfélagsins þar sem sýnt er þeim sem greinst hafa með krabbamein og aðstandendum þeirra stuðning í verki. Mættu nemendur frá Leikskólanum Eyrarvöllum, Nesskóla og Verkmenntaskóla Austurlands á SÚN völlin. Skiptu sér upp í lið og hlupu þvert á völlinn með kefli fram og til baka í boðhlaupi. Var hlaupið í dágóða stund áður en við tókum höndum saman og mynduðum hjarta á miðjum vellinum. Það var hann Hlynur Sveinsson sem tók myndina af hjartanu og klippti saman myndband af viðburðinum. Þökkum við honum kærlega fyrir sitt framlag í þetta sameiginlega verkefni ásamt öllum þeim sem komu að verkefninu að einhverju leiti. Hægt er að nálgast upplýsingar um Styrkleikana á heimasíðu krabbameinsfélagsins hér. Þeir sem vilja styrkja Styrkleikana er bent á Krabbameinsfélag Austfjarða. Styrktarreikningur: Kt. 551001-3340 Rkn. 0166-26-201

Full vika af frábærri skemmtun

Eftir Þórfríður Soffía Þórarinsdóttir • 11. september 2026
Þessi skólavika er búin að vera stútfull af viðburðum. Í vikunni tókum við upp læsir appið til að halda utan um lestur nemenda. Það ættu allir bekkir að vera komnir með bekkjarkóða til að skrá sig inn. Ef ekki þá mælum við með því að fá bekkjarkóða hjá umsjónarkennara barnanna ykkar. Við fórum í göngu á miðvikudaginn. Yngsta stig gekk uppfyrir keilur og inn að minnisvarða, gengu svo neðan við garða til baka. Miðstig gekk upp að Hólatjörnum þar sem nokkrir krakkar skelltu sér í vötnin og áttu góðan tíma saman. Unglingastig gekk svo upp í Bagalsbotna. Veðrið lék við okkur og allir áttu frábæran dag. Krakkarnir voru allir ekkert smá duglegir.

Treyjudagur föstudaginn 4. september

Eftir Þórfríður Soffía Þórarinsdóttir • 2. september 2026
Næsta föstudag, 4. september verður treyjudagurinn haldinn í fyrsta skipti á Íslandi. Börn með krabbamein, styrktarfélag standa að deginum og er markmiðið að einstaklingar og hópar klæðist sinni uppáhalds treyju og sýni þannig börnum með krabbamein stuðning. Við í Nesskóla tökum að sjálfsögðu þátt og hvetjum við alla til að mæta í sinni uppáhaldstreyju á föstudaginn.